Salibdoshlar oilasi

Orchidaceae

Kamyoblik darajasi 2. O`rta Osiyoning janubiy qismidagi areali ajralgan kamyob, endem o`simlik.

Qisqacha tavsifi. Bo`yi 35-50 sm orasidagi tuksiz, sariq-binafsha rangli, ko`p yillik o`t. Ildizpoyasi bo`g`imli. Poyasi 1-2 ta. Barglari uncha taraqqiy etmagan, o`tkir uchli, pardasimon, yuqori qismi uchburchak shaklidagi novni eslatadi, uzunligi 2-3 sm. Kechroq taraqqiy etadigan poyalardagi barglari ensiz, qalami, qattiq. Shingili siyrak ko`p gulli, uzunligi 22 sm gacha. Guloldi bargchalari chuziq yoki cho`ziq-nashtarsimon, o`tkir uchli. Gullari och-sariq,pastga qarab egilgan. Ko`sagi ellipssimon, uzunligi 2-2,5 sm, eni 10-12 mm. Aprel oyida gullab, may-iyunda mevasi yetiladi.

Tarqalishi. Zarafshon daryosi vodiysida, Muyan, Karmana, Konimex qishloqlari atrofida, Surxondaryo havzasida, Jarqo`g`on va Surxon qishloqlari o`rtalarida, Denov shahri atrofida tarqalgan (Buxoro, Navoiy, Samarqand, Surxondaryo viloyatlari).

O`sish sharoiti. Tuqaylarda, chiyzorlarda hamda botqoqlashgan yerlarda o`sadi.

Soni. Kam tarqalgan, uncha katta bo`lmagan to`plar hosil qiladi.

Ko`payishi. By haqda ma'lumotlar yo`q.

O`simlik soni va arealining o`zgarish sabablari. Aniqlanmagan.

Madaniylashtirilishi. Bu haqda ma'lumotlar yo`q.

Muhofaza choralari. Qizil kitobga kiritilgan. Maxsus muhofaza tadbirlari ishlab chiqilmagan.

Soni. Soni va tarqalishini aniqlash hamda tabiatda va madaniy holda biologiyasini o`rganish lozim.